Halldór Ásgrímsson, utanríkisráðherra, stríðsæsingamaður og einn af skoðanakúgurum þjóðarinnar var í Kastljósi Sjónvarpsins í kvöld að rembast við að laga almenningsálitið á sjálfum sér og gjörningum sinna manna. Það verður að segjast eins og er að honum varð ekkert ágengt - enda málstaðurinn vondur í alla staði og óafsakanlegur.
Hann byrjaði á því að játa það að hann hefði ekkert vit á stríðsrekstri og hélt svo áfram að misskilja sáttmála númer 1441. Af orðum hans mátti skilja að það sé meira glæpaverk að brenna íslenska fánann en að fara í ólöglegt stríð.
Hverjum er um að kenna að íslenski fáninn var brenndur á alþjóðlegum mótmælafundi gegn stríði í Kaupmannahöfn? Hver skyldi bera ábyrgðina á því? Það skyldi þó aldrei vera að meginábyrgðin liggi hjá íslenskum stjórnvöldum fyrir fáránlega ákvörðun í trássi við þing og þjóð?
Svari bara hver fyrir sig.
Ble-si